मिरज प्रतिनिधी | गोपनीय खबऱ्या
दास बहुउद्देशीय विश्वस्त संस्था सांगली संचलित मातोश्री तानुबाई दगडू खाडे इंग्लिश स्कूल मिरज येथील विद्यार्थ्यांनी १० परीक्षेत घवघवीत यश संपादन करत १००% निकालाची परंपरा जपली. यामध्ये पियुष सतीश गरड याने ९७.२०% गुण मिळवत शाळेत प्रथम येण्याचा मान मिळवला. श्रावणी हणमंत पाटील हिने ९५% गुण मिळवून दुसऱ्या स्थानी आपली जागा निश्चित केली. तर सुमित विनायक दबडे ९०.८०% गुण मिळवून तिसरा क्रमांक पटकावला. त्याचप्रमाणे इतरही विद्यार्थ्यांनी अपेक्षित यश संपादन करत सर्वांची वाहवा मिळवली.
सर्व यशस्वी विद्यार्थ्यांना मुख्याध्यापिका संगीता पाटील व शिक्षक यांचे मार्गदर्शन लाभले. तसेच सर्व यशस्वी विद्यार्थ्यांचे संस्थेचे संस्थापक अध्यक्ष सुरेशभाऊ खाडे, मुख्य कार्यकारी अधिकारी स्वाती खाडे, संचालिका सुमनताई खाडे, सुशांत खाडे यांनी अभिनंदन व कौतुक केले आहे.
