मिरज प्रतिनिधी | गोपनीय खबऱ्या
मिरज शहर व परिसरातील कराटे चॅम्पियनशीपसाठी निघालेल्या खेळाडूंना प्रोत्साहन म्हणून मदतीचा हात देण्यासाठी सामाजिक कार्यकर्ते पुढे सरसावले. डायनॅमिक स्पोर्ट्स कराटे असोसिएशन, सांगली या अकॅडमी तर्फे अध्यक्ष सतीश पाटील, उपाध्यक्ष उदयसिंह घोरपडे यांनी उत्कृष्ट सराव घेत आपला डंका आंतरराष्ट्रीय स्तरावर वाजवला आहे.
नेपाळ काठमांडू येथे दिनांक ९ मे व १० मे रोजी आंतरराष्ट्रीय कराटे चॅम्पियनशीप स्पर्धा, २०२५ पार पडत आहे. यासाठी १५ पेक्षा अधिक खेळाडूंचा सहभाग आहे.
त्यांना प्रवासादरम्यान खाण्याची व पाण्याची सोय करीत मदतीचा हात पुढे करणाऱ्या मिरजेतील उद्योजक विनायकराव यादव यांनी खेळाडूंचा सन्मान करीत त्यांना शुभेच्छा दिल्या. यावेळी उद्योजक भूपाल गणे, रेखा कांबळे, कविता माळी, राजेंद्र कोळी हे उपस्थित होते.
