निलंबित पीएसआय रणजीत कासलेंनी राष्ट्रवादी नेते धनंजय मुंडे यांच्यावर गंभीर आरोप केले आहेत. संतोष देशमुख हत्येप्रकरणी अटकेत असणाऱ्या वाल्मिक कराडच्या एन्काऊंटरसाठी ५० कोटींची ऑफर देण्यात आली होती, असा दावा कासले यांनी नव्या व्हिडीओत केला आहे. त्यामुळं सर्वत्र एकच खळबळ माजली आहे.
नव्याने प्रसारित केलेल्या एका व्हिडीओमध्ये रणजीत कासले यांनी अनेक खळबळजनक दावे केले आहेत. धनंजय मुंडे यांना मुख्यमंत्री व गृहमंत्री देवेंद्र फडणवीस यांचा पाठिंबा असल्याने आणि संतोष देशमुख प्रकरणात अनेक पुरावे दाबल्याने धनंजय मुंडे सहआरोपी होणार नाही. असं कासले यांनी व्हिडीओत म्हटलं आहे. तसेच, महाराष्ट्र पोलिसांनी मला पकडून दाखवावे, असं ओपन चॅलेंज देखील कासले यांनी पोलिसांना दिलं आहे.
- रणजीत कासले यांचे नेमकं दावे काय?
सरपंच संतोष देशमुख हत्या प्रकरणातील आरोपी वाल्मिक कराडच्या एन्काऊंटरसाठी ५० कोटींची ऑफर होती, असा दावा निलंबित पीएसआय रणजित कासले यांनी सोमवारी केला होता. आज त्यांनी या प्रकरणात धनंजय मुंडे यांच्या नावाचा उल्लेख केला आहे. वाल्मिक कराड त्यांचे अंडी पिल्ली बाहेर काढणार होते. त्यामुळं ते खुनाचा आरोपात सहआरोपी झाले असते. पण मुंडे यांना फडणवीस यांचा पाठिंबा आहे, संतोष देशमुख प्रकरणात अनेक पुरावे दाबले गेले आहेत. त्या त्यामुळं ते सहआरोपी होणार नाहीत. असं कासले यांनी व्हिडीओमध्ये म्हटलं आहे.
वाल्मिक कराड सध्या बीड कारागृहात आहे, याच तुरुंगात कराडचा काटा काढण्यासाठी 50 कोटींची ऑफर दिल्याचा दावा कासलेंनी केला. मात्र, याबाबत मुंडेंकडून अद्याप कोणतीही प्रतिक्रिया आलेली नाही.
