- मिरज प्रतिनिधी | गोपनीय खबऱ्या
श्री शिवप्रतिष्ठान हिंदुस्थानचे संस्थापक संभाजीराव भिडे यांच्या विरोधात सामाजिक माध्यमांवर आक्षेपार्ह पोस्ट प्रसारित करणाऱ्या एकास ताब्यात घेण्यात आले आहे. रामचंद्र चव्हाण (रा. वखारभाग, मिरज) असे ताब्यात घेतलेल्या इसमाचे नाव आहे. पोलिसांनी कठोर कारवाई करून चव्हाणला अटक करावी, अशा मागणीचे निवेदन श्री शिवप्रतिष्ठान हिंदुस्थानचे विनायक माईणकर यांनी मिरज शहर पोलीस ठाण्याचे पोलीस निरीक्षक किरण रासकर यांना दिले.
या निवेदनात म्हटले आहे की, पू. संभाजीराव भिडे गुरुजी यांच्याविषयी आक्षेपार्ह पोस्ट सामाजिक माध्यमांवर फिरत आहे. समाजकंटक रामचंद्र चव्हाण याने गुरुजींचे चित्र विचित्र पद्धतीने पोस्ट करून सर्व धारकर्‍यांच्या भावना दुखावल्या आहेत. हा प्रकार वेळीच रोखावा. गुरुजींवर आक्षेपार्ह पोस्ट करणार्‍या सर्व समाजकंटकांवर कारवाई कारावी. त्याच्या अटकेची बातमी पोलिसांकडून सामाजिक माध्यमांवर प्रसारित करावी, जेणेकरून पुन्हा अशी पोस्ट प्रसारित करण्याचे अन्य कुणाचे धाडस होणार नाही.
