- सांगली प्रतिनिधी | गोपनीय खबऱ्या
सांगली जिल्ह्यात उन्हाचा पारा वाढत चालला आहे. सोबतच गुन्हेगारांची दहशत नागरिकांत भीतीचे वातावरण निर्माण करू लागली आहे.
अखेर विश्रामबाग पोलिसांना या प्रकाराची माहिती मिळताच पोलिसांनी घटनास्थळी धाव घेत त्यास ताब्यात घेऊन त्याच्याकडील कोयता जप्त केला.
पोलिस व घटनास्थळावरून मिळालेली माहिती अशी की, सांगली- मिरज रस्त्यावरील महापालिकेच्या मंगलधाम कॉम्प्लेक्सच्या मागील बाजूस पान शॉप, चहा, चिरमुरे स्टॉल, नाश्‍ता सेंटर अशी सात ते आठ दुकाने आहेत. सायंकाळी तेथे नेहमी गर्दी असते. आज सायंकाळच्या सुमारास एक तरुण त्याठिकाणी आला. त्याच्या हातात धारदार कोयता होता. प्रथम तो एका दुकानात गेला. तेथील दुकानदाराला कोयत्याचा धाक दाखवू लागला.
यानंतर तो मंगलधामच्या मागील बाजूस असणाऱ्या बोळात गेला. तेथे त्याने आरडाओरडा करीत कोयता नाचवत दहशत माजविली. काही दुकानातील साहित्य उचलून फेकून दिले. त्याचा धिंगाणा पाहून परिसरात बघ्यांची गर्दी जमली होती. या प्रकाराची माहिती विश्रामबाग पोलिसांना मिळताच त्यांनी तातडीने घटनास्थळी धाव घेतली. शिताफीने पोलिसांनी त्याला ताब्यात घेतले. त्याच्याकडील कोयताही हस्तगत केला. रात्री उशिरापर्यंत घटनेची नोंद पोलिस ठाण्यात करण्यात आलेली नव्हती.
