तासगाव प्रतिनिधी – गोपनीय खबऱ्या | तासगाव पोलीस ठाण्यासह जिल्हा पोलीस दलात खळबळ उडाली आहे. वायफळे खून प्रकरणातील आरोपी विशाल सज्जन फाळके यास प्रथम वर्ग न्यायदंडाधिकारी तासगाव यांनी वॉरंट काढले होते. मात्र आरोपी विशाल सज्जन फाळके याची वॉरंट बजावणी न केल्यामुळे आरोपी विशाल सज्जन फाळके हा न्यायालयात हजर न राहिल्यामुळे आरोपी विशाल फाळके व मयत ओंकार उर्फ रोहित संजय फाळके यांचेतील वाद विकोपास जावून विशाल फाळके यांने मयताच्या कुटुंबातील व्यक्तीने दाखल केलेल्या केसेस व न्यायालयात सुरू असलेल्या केसेस मागे घेत नाही याचा राग मनात धरून दि १२ डिसेंबर २०२४ रोजी सायंकाळी ०६. ०० वा विशाल फाळके व त्याचे अनोळखी पाच ते सहा साथीदार यांनी वायफळे येथे हल्ला केला.
या ठिकाणी ओंकार उर्फ रोहित फाळके, संजय दामु फाळके, जयश्री संजय फाळके, आशिष साठे व आदित्य साठे, सिकंदर शिकलगार यांना तलवारी, कोयत्यांनी मारहाण केली असून झालेल्या मारहाणीत रोहीत फाळके हा मयत झाला. उर्वरीत सर्वजण जखमी अवस्थेत असल्याने त्यांचेवर हॉस्पीटलमध्ये उपचार सूरू आहेत.
तुम्ही आरोपी विशाल फाळके यास मा. न्यायालयातुन वेळोवेळी प्राप्त झालेले वॉरंट बजावणी केली असती तर न्यायालयात सदरचा आरोपी हजर राहून त्याबाबतची केसची सुनावणी झाली असती. आणि दि.१२ डिसेंबर २०२४ रोजीची गंभीर घटना घडली नसती. तुम्ही वॉरंट बजावणीचे कर्तव्यामध्ये निष्काळजीपणा व बेजबाबदारपणाचे वर्तन केल्याचे दिसून आले आहे. असे सांगत वेदकुमार धोंड व पवन जाधव यांना निलंबित करण्यात आले आहे.
