मिरज शहरात पोलिसांनी धडक कारवाया करण्यास सुरुवात केली आहे. शहरातील काही परिसरात नशेच्या गोळ्यांची विक्री जोरात सुरु असल्याच्या चर्चेने शहरात खळबळ उडाली होती. त्याच अनुषंगाने महात्मा गांधी पोलिसांनी कारवाईचा बडगा उगारत नशेच्या गोळ्यांची विक्री करणाऱ्या तिघांना ताब्यात घेतले आहे.
पोलिसांकडून मिळालेल्या माहितीनुसार, महात्मा गांधी चौक पोलीस ठाणेकडील पोलीस पथकाने सापळा रचून नशेच्या गोळ्या विक्रीसाठी आलेल्या धनंजय प्रदीप गाडे, वय २२, रा. मालगांव रोड, सुभाषनगर मिरज, ओंकार संभाजी साळुंखे, वय २२, रा. मंगळवार पेठ, मिरज व महम्मदरफीक सादीक गोदड, वय २४, रा. गोदड मळा, टाकळी रोड, मिरज यांना ताब्यात घेतले आहे. त्यांच्यावर एनडीपीएस कलम ८ (क), २२(ब ) सह औषधी – सौंदर्यप्रसाधने कायदा कलम १८ सी अन्वये गुन्हा दाखल करण्यात आला आहे.
संशयितांच्या ताब्यातील ५४,५२०/- रु. किंमतीच्या नायट्रावेट १० या नावाच्या ६०० नशेच्या गोळ्यांचा साठा व दोन मोटारसायकली हस्तगत केल्या आहेत. यामध्ये पोलीस दप्तरी रेकॉर्डवर असलेला ओंकार संभाजी साळुंखे हा सांगली व कोल्हापूर या जिल्हयांतून सध्या हद्दपार आहे.त्याच्यावर शरीराविरुध्दचे गुन्हे दाखल आहेत.
सदरची कारवाई सहा. पोलीस निरीक्षक जयदिप कळेकर, पोलीस उपनिरीक्षक संदीप गुरव, सहा. पोलीस फौजदार धनंजय चव्हाण, पोलीस हेडकॉन्स्टेबल अभिजीत धनगर, सूरज पाटील, पोलीस नाईक नानासाहेब चंदनशिवे, पोलीस कॉन्स्टेबल विक्रम खोत, विनोद चव्हाण, बसवराज कुंदगोळ, जावेद शेख, मोहसिन टिनमेकर यांनी केली.
