कुपवाड –खबऱ्या प्रतिनिधी | कुपवाड शहरात प्रथमच श्रीकृष्ण जन्माष्टमीच्या निमित्ताने सनीभाऊ धोतरे युथ फाऊंडेशन, कुपवाडच्या वतीने रु.१,११,१११/- चा भव्य दिव्य दहीहंडीचा जल्लोषी उत्सव आज साजरा होणार आहे. पृथ्वीराजबाबा पाटील यांच्या मार्गदर्शनाखाली कुपवाड शहरात प्रथमच आज शनिवारी सायंकाळी ५.०० वाजता अकुज ड्रीमलॅंड सोसायटी चौक, कुपवाड येथे रु.१,११,१११/- ची भव्य दहीहंडी स्पर्धा आयोजित केली आहे.या दहीहंडी स्पर्धेचे उद्घाटक व प्रमुख पाहुणे म्हणून माजी मंत्री आमदार डॉ. विश्वजीत कदम व खासदार विशालदादा पाटील हे उपस्थित राहणार आहेत. मा.पृथ्वीराज बाबा पाटील यांची प्रमुख उपस्थिती असणार आहे.
या कार्यक्रमासाठी कलर्स मराठी या चॅनलवरील संत बाळूमामा या मालिकेतील बाळूमामांची भूमिकेचा अभिनय करणारे कलाकार सुमित पुसावळे हे उपस्थित राहणार आहेत. स्नेहा पिंपरीकर, पुणे यांचा भव्य डान्स शो होणार आहे. तसेच रिल्स स्टार निवृत्ती (नारू) बालाजी आणि विशाल उपस्थित असणार आहेत. यावेळी फटाक्यांची आतिषबाजी होणार आहे. तसेच महिलांना बसण्यासाठी स्वतंत्र गॅलरीची व्यवस्था करण्यात आली आहे.अशी माहिती सनी धोतरे यांनी पत्रकार परिषदेत दिली.
यावेळी बाळासाहेब मंगसुळे,अख्तरहुसेन मुजावर, श्रीकृष्ण कोकरे, राहुल पाटील, समीर मुजावर, सिकंदर मुल्ला, अनिल कवठेकर, राजेंद्र पवार, दिलीप धोतरे,अमोल कदम, नूरमंहम्मद ढालाईत, सकलेन मुजावर, कुलभूषण कर्नाळे, सुरज धोतरे,आदी उपस्थित होते.
तरी हजारोंच्या संख्येने कुपवाड व सांगली शहरातील लोकांनी उपस्थित राहून स्पर्धक गोविंदांना, कुपवाडच्या जनतेला प्रोत्साहन देण्यासाठी उपस्थित राहावे, असे आवाहन सनी धोतरे युथ फाउंडेशनने केले आहे.
