मिरज प्रतिनिधी | खबऱ्या ऑनलाईन – मिरज शहरातील जनावर बाजार आवारातील झाडाला गळफास घेऊन एका रिक्षा चालकाने आत्महत्या केल्याची घटना आज शुक्रवारी सकाळी ११ च्या सुमारास उघडकीस आली.
देवेश लक्ष्मण चाळके (वय ३५ रा. पंचशीलनगर, वसंतदादा साखर कारखान्याजवळ माधवनगर रोड, सांगली) असे मयत रिक्षा चालकाचे नाव आहे.
याबाबत माहिती मिळताच तातडीने महात्मा गांधी चौक पोलिसांनी धाव घेतली. मृतदेहाचा पंचनामा करून सदरचा मृतदेह शव विच्छेदन करण्यासाठी मिरजेच्या शासकीय रुग्णालयात पाठविण्यात आला. सदर घटनेची नोंद महात्मा गांधी चौक पोलिसात करण्यात आली असून आत्महत्येचे नेमके कारण मात्र समजू शकले नाही. याबाबतचा पुढील तपास मिरज महात्मा गांधी चौक पोलीस करीत आहेत.
