- अल्पवयीन कर्णबधिर मुलीवर मित्र, भावासह तिघांनी वारंवार बलात्कार केल्याची खळबळजनक घटना उघडकीस आली आहे. कर्णबधिर शाळेमधील शिक्षिकेकडे याबाबत मुलीने कैफियत मांडल्यानंतर हा प्रकार उघड झाला आहे.
पुणे : अल्पवयीन कर्णबधिर मुलीवर मित्र, भावासह तिघांनी वारंवार बलात्कार केल्याची खळबळजनक घटना उघडकीस आली आहे. कर्णबधिर शाळेमधील शिक्षिकेकडे याबाबत मुलीने कैफियत मांडल्यानंतर हा प्रकार उघड झाला आहे. याप्रकरणी मुंढवा पोलीस ठाण्यात गुन्हा दाखल करण्यात आला आहे. हा प्रकार २०१८ पासून २०२३ पर्यंत सुरू होता.
सागर रजाने (वय ३०, रा. उंड्री, कोंढवा), राहुल पाटील (वय २३) यांच्यासह तिच्या भावाविरुद्ध बलात्कार, पॉक्सो, विनयभंग आदी कलमान्वये गुन्हा दाखल करण्यात आला आहे. याप्रकरणी एका कर्णबधिर शाळेच्या शिक्षिकेने फिर्याद दिली आहे. पीडित मुलगी १७ वर्षांची असून कर्णबधिर आहे. आरोपी सागर याने तिच्या घरी येऊन जबरदस्तीने शारीरिक संबंध प्रस्थापित केले. तिला मारहाण करीत कोणाला काही सांगितले तर मारून टाकण्याची धमकी दिली. तसेच, राहुल याने तिच्याशी लग्न करण्याचे रमेश दाखवत बलात्कार केला. तिच्या २३ भावाने घरामध्ये कोणी नसल्याचा फायदा घेत जबरदस्तीने बलात्कार केल्याचे फिर्यादीमध्ये नमूद करण्यात आले आहे.
