मिरज प्रतिनिधी | खबऱ्या ऑनलाईन | शहरातील स्टेशन रस्त्यावर लिफ्ट दुरुस्त करताना तोल जाऊन पडल्याने कुणाल भगवान चव्हाण (वय १९) रा. कुंभोज, जि.कोल्हापूर याचा मृत्यू झाला. तर योगेश गोरखनाथ भंडारे (वय २८) रा. इचलकरंजी हा जखमी झाला आहे.
स्टेशन रस्त्यावरील एका फुटवेअर दुकानात लिफ्ट दुरुस्तीचे काम सुरू होते. या कामासाठी दोघे आले होते. काम सुरू असताना तोल गेल्याने दोघेही तिसऱ्या मजल्यावरून जमिनीवर पडले. यामध्ये चव्हाण यांचा मृत्यू झाला, तर भंडारे हा जखमी झाला. याबाबत मिरज शहर पोलीस ठाण्यात नोंद करण्यात आली आहे.
