मिरज : खबऱ्या प्रतिनिधी/ मिरज पोलीस दलातील एका कर्मचाऱ्याची जिल्हा पोलीस प्रमुखांनी तडकाफडकी बदली केल्याची चर्चा सर्वत्र बोलली जात आहे.
विशेष म्हणजे, अवैध दारू विक्रीच्या प्रकरणामध्ये दुचाकीसहित एका संशयिताला पकडले होते. सदरची मोटरसायकल ही अवैध दारू विक्री करणाऱ्या इसमाच्या मित्राची असल्याने, मोटारसायकल सोडवून आणण्यासाठी गेलेल्या युवकाला..” तुला गुन्ह्यात मदत करतो.परंतु,मला पंधरा हजार रुपये दे” असे म्हणत रोख रक्कम ९०००/- रुपये व तीन दिवसांनी दबंगगिरी करणाऱ्या पोलिसाने गुन्ह्यात अडकवण्याचा व मारण्याचा दम दिल्याने बायकोचे मंगळसूत्र गहाण ठेवून मिरज – मालगाव रस्त्यावरती ६०००/- रुपये असे मिळून रोख १५ हजार दिले.इतकी रक्कम देवूनही त्रास झाल्यानंतर संबंधित युवक थेट पोलीस अधीक्षक यांच्याकडे गेला. एमआयएमचे जिल्हाध्यक्ष डॉ. महेशकुमार कांबळे यांनी जिल्हा पोलीस प्रमुखांना लेखी निवेदन दिले.
या संबंधित प्रकरणाची सखोल चौकशी करून पडताळणीमध्ये पोलीस कर्मचाऱ्याने पैसे घेतल्याचे निष्पन्न झाल्याने पोलीस अधिक्षकांनी रातोरात “त्या” पोलीस कर्मचाऱ्याची तडकाफडकी बदली थेट मुख्यालयात केल्याची जोरदार चर्चा रंगली आहे.
