कोल्हापूर प्रतिनिधी / रियाज जैनापुरे : संपूर्ण देशामध्ये आनंदाच्या वातावरणात ७६ वा स्वातंत्र्य दिन साजरा करण्यात आला. कोल्हापुरातील देशभूषण हायस्कूलमध्ये स्वातंत्र्यदिन उत्साहात संपन्न झाला. मोहनकुमार वणकुद्रे (मरीन चीफ इंजिनियर) यांच्या हस्ते आज ध्वजारोहण करण्यात आले. विधीज्ञ तुषार भूमकर यांच्या उपस्थितीत गणवेश, पारितोषिक वितरण केले. अध्यक्षस्थानी शालेय समितीचे चेअरमन दिलीप लडगे तर प्रमुख पाहुणे प्रदीप पाटील होते.
ध्वजवंदनानंतर सुसंस्कार बाल मंदिरच्या विद्यार्थ्यांनी कवायत तर विद्यामंदिर प्रशालेच्या विद्यार्थ्यांनी देशभक्तीपर नृत्य, हायस्कूलच्या विद्यार्थ्यांनी संचलन व रोबोटिक प्रात्यक्षिक सादर केले.
याप्रसंगी अंकले, सुभाष भुर्के, विधीज्ञ करण पाटील, सचिन सुलताने, शिवाजी पिसे, अमोल पाटील,श्रीमती एस. एम. पाटील,राजू मंगाज,माजी विद्यार्थी रियाज जैनापुरे यांच्यासह पालक परिसरातील नागरिक उपस्थित होते. कार्यक्रमासाठी सर्व शिक्षक, शिक्षकेतर कर्मचारी व विद्यार्थ्यांनी अतिशय उत्साहाने सहभाग घेतला.
