मुंबई : शिवप्रतिष्ठानचे संभाजी भिडे यांनी राष्ट्रपिता महात्मा गांधी यांच्याविषयी केलेल्या वादग्रस्त वक्तव्यावरून आता रिपब्लिकन पार्टी ऑफ इंडिया गटाचे सचिन खरात यांनी संभाजी भिडे यांच्यावर जोरदार टीका केली आहे.ज्या प्रमाणे शकुनी मामा माथी भडकवण्याचे काम करायचा, तेच काम हे आधुनिक शकुनी मामा संभाजी भिडे करतायत” अशी टीका सचिन खरात यांनी भिडेंवर केली आहे .
याबाबत पुढे बोलताना ते म्हणाले , रयतेचे राजे छत्रपती शिवाजी महाराजांनी महाराष्ट्रालाच नाही, तर भारताला समानतेचा विचार दिला. पण तो समानतेचा विचार सांगण्याऐवजी संभाजी भिडे तरुणांची माथी भडकवण्याच काम करताना दिसतात. ज्या प्रमाणे शकुनी मामा माथी भडकवण्याचे काम करायचा, तेच काम हे आधुनिक शकुनी मामा संभाजी भिडे करतायत .आपल्या महाराष्ट्रात संभाजी भिडे सतत भडकाऊ विधान करताना दिसत आहेत. संभाजी भिडे शिव प्रतिष्ठान संघटनेच्या नावाखाली तरुणाची माथी भडकवण्याच काम राज्यात करताना दिसतात असेही सचिन खरात म्हणाले .
दरम्यान शिव प्रतिष्ठानचे संभाजी भिडे यांनी राष्ट्रपिता महात्मा गांधी यांच्याविषयी काही दिवसांपूर्वी वादग्रस्त वक्तव्य केलं. त्याचे पडसाद अजूनही उमटतायत. संभाजी भिडे यांच्यावर जवळपास सर्वच पक्षाच्या नेत्यांनी टीका केली आहे. काँग्रेस, राष्ट्रवादी काँग्रेसने संभाजी भिडे यांच्यावर कारवाई करावी, त्यांना अटक करावी अशी मागणी केली आहे. संभाजी भिडे यांच्या वक्तव्याचे महाराष्ट्र विधानसभेतही पडसाद उमटले.काँग्रेस नेते पृथ्वीराज चव्हाण, यशोमती ठाकूर आणि विजय वडेट्टीवार या आमदारांनी सभागृहात संभाजी भिडेंवर जोरदार टीका केली. त्यांचा चांगलाच समाचार घेतला.
