Maharashtra Police | परभणी जिल्ह्यातील पाथरी पोलीस ठाण्यांतर्गत येणाऱ्या लाड
नांद्रा येथे पाथरी पोलीस ठाण्याचे अधिकारी आणि पोलीस पोलीस कर्मचारी यांना मारहाण
झाल्याची घटना समोर आली आहे.
पोलिस निरीक्षक वसंत चव्हाण यांच्यासह चौघांना मारहाण करण्यात आली. मारहाणीत जखमी झालेल्या पोलीस अधिकारी व कर्मचाऱ्यांवर पाथरी ग्रामीण रुग्णालयात उपचार करण्यात आले. याप्रकरणी पाथरी पोलिस ठाण्यात गुन्हा (FIR) दाखल करण्यात आला आहे.
पोलिसांना मारहाण झाल्याच्या घटनेने सर्वत्र संताप व्यक्त केला जात आहे. मारहाणीचा प्रकार अवैध धंद्याशी संबंधित असल्याची चर्चा होत आहे. याप्रकरणी पाथरी पोलिस ठाण्यात विविध कलमान्वये गुन्हा दाखल करण्यात आला आहे. पोलीस निरीक्षक वसंत चव्हाण (वय 56), सहाय्यक पोलीस उपनिरीक्षक सय्यद जाफर (वय 57 ) पोलीस नाईक सुरेश वाघ , होमगार्ड सुग्रीव बिकड अशी जखमींची नावे आहेत. ही घटना पाथरी पोलीस ठाण्यांतर्गत लाड नांद्रा येथे रविवारी (दि.3) रात्री घडल्याचे समजतेय. (Maharashtra Police)
याप्रकरणी पाथरी पोलिस ठाण्यात विविध (IPC 307, 395) कलमान्वये गुन्हा दाखल करण्यात आला आहे.
पुढील तपास पोलीस करत आहेत. लाड नांद्रा येथे स्थानिक गुन्हे शाखेच्या (Local Crime Branch) एका कारवाई नंतर हा प्रकार समोर आला आहे.
