सांगली – सांगली जिल्ह्यातील कुख्यात गुंड सचिन ऊर्फ सच्या टारझनचा डोक्यात कोयत्याने वार करून निर्घृण हत्या झाल्याची घटना घडली आहे. विशेष म्हणजे हल्ला करणारा तरुण थेट पोलिस ठाण्यात पोहोचला आहे. सच्या टारझन हा सांगली पोलिसांच्या रेकॉर्डवरील सराईत गुन्हेगारांपैकी एक होता. हल्ला झाल्यानंतर त्याला सांगलीच्या शासकीय रुग्णालयात दाखल करण्यात आले होते. परंतु उपचारादरम्यान त्याचा मृत्यू झाला.
नेमकं काय घडलं ?
कुख्यात गुंड सच्या टारझन हा अनैतिक संबंध असलेल्या अहिल्यानागरमधील महिलेच्या घरी रात्री गेला होता. तिथे एक तरुणाने सकाळी सच्या टारझन च्या डोक्यात कोयत्याने हल्ला केला.
आणि हल्ल्यानंतर हा तरुण थेट पोलीस ठाण्यामध्ये हजर झाला. गणेश मोरे असे हल्लेखोर तरुणाचे नाव असून त्याला सांगली पोलिसांनी ताब्यात घेतली आहे.
दरम्यान, सच्या टारझनवर दाद्या सावंत खूनासह अनेक गुन्हे दाखल आहेत. सांगलीतील सराईत गुंड म्हणून त्याची ओळख होती.
