सोलापूर, 23 जुलै, महाविद्यालयातून घरी चालत निघालेल्या मुलीस शिक्षकाने तिच्या समोर मोटरसायकल आडवी लावून, तिचा हात पकडून तू मला आवडतेस असे म्हणत होकार दे, नाहीतर मी तुझ्या भावाला ठार मारेन अशी धमकी दिल्याची घटना घडली.
यात पालक खूप संतप्त झाले आहेत. कव्हे (ता. माढा) शिवारात घडली. पिडीतेने भीतीपोटी कुर्डूवाडी पोलिस ठाण्यात फिर्याद दाखल केली. यावरून एका शिक्षका विरोधात विनयभंगाचा गुन्हा दाखल करण्यात आला आहे.
या प्रकरणात कव्हे (ता.माढा ) येथील प्रबोधनकार ठाकरे विद्यालयातील शिक्षक पांडुरंग यादव याच्या विरोधात गुन्हा दाखल करण्यात आला आहे. माहिती अशी की, परगावी शिकत असलेल्या महाविद्यालयास सुट्टी असल्याने पिडीत मुलगी आपल्या गावाकडे चालत जात असताना काही अंतरावर गेल्यानंतर प्रबोधनकार ठाकरे विद्यालय कव्हे येथील शिक्षक पांडुरंग यादव यांने मोटरसायकल आडवी लावून वाट आडवली.
