गोवा : दक्षिण गोव्यातील धारबांदोडा तालुक्यातील कुळे येथे असणारा दूधसागर धबधब्यावर जाण्यास प्रशासनाने बंदी घालतली आहे. गेल्या वर्षी काही पर्यटक वाहून गेले होते. दरम्यान, या परिसरात जोरदार पाऊस सुरू असून सुरक्षेच्या कारणास्तव हा निर्णय स्थानिक पोलिस आणि वनविभागाने घेतला आहे.
दक्षिण गोव्यात असणाऱ्या हा धबधबा पाहण्यासाठी मोठ्या प्रमाणात पर्यटक येत असतात. या ठिकाणाहून रेल्वे जात असून रेल्वे या ठिकाणी आली की तिचा वेग कमी करत असते. यावेळी काही अतिउत्साही लोक रेल्वेतून खाली उतरून जीव धोक्यात घालून या धबधब्यावर जात असतात. तसेच अनेक पर्यटक देखील या ठिकाणी येत असतात.
गेल्या वर्षी काही उत्साही पर्यटकांचा मृत्यू झाला होता. या वर्षी देखील मोठ्या प्रमाणात पर्यटक धबधबा पाहण्यासाठी येत आहेत. सध्या या परीसरात जोरदार पाऊस सुरू आहे. यामुळे खबरदारीचा उपाय म्हणून रेल्वे आणि स्थानिक पोलीस प्रशासन आणि वनविभागाने या धबधब्यावर जाण्यास पर्यटकांणा बंदी घातली आहे. पावसाळा कमी होई पर्यंत ही बंदी राहणार आहे.
