सांगली : सांगली जिल्हा परिषदेचे मुख्य कार्यकारी अधिकारी जितेंद्र डुडी यांची सातारा जिल्हाधिकारी पदी बदली झाली आहे. ते २०१५ बॅचचे सनदी अधिकारी आहेत.
सांगली जिल्हा परिषदेचे मुख्य कार्यकारी अधिकारी म्हणून त्यांनी तीन वर्षांपेक्षा जास्त काळ सेवा दिली. त्यांच्या कार्यकाळात मॉडेल स्कुल नावाची संकल्पना राबवली. जी पुढे राज्य शासनाने राज्यभर राबवली, त्याच प्रकारे स्मार्ट पीएचसी ही संकल्पना राबवून ग्रामीण भागातील आरोग्य यंत्रणा सुधारली. पाणीपुरवठा योजना पारदर्शी करण्यावर देखील त्यांनी भर दिला होता.
