खबऱ्या प्रतिनिधी / नितेश राणे यांनी उद्धव ठाकरे यांना महाराष्ट्र बंद करण्याची भाषा करू नका, तुमची लायकी आम्हाला माहिती आहे, अशा शब्दात माध्यमांच्या माध्यमातून सुनावल्यानंतर शिवसेनेचे नेते शरद कोळी यांनी नारायण राणे व त्यांच्या चिरंजीवांना फटकारत थेट इशारा दिलाय.
कोळी म्हणाले, अरे हाट… चंगू मंगू नितेश राणे, निलेश राणे तुम्हाला मी एकच सांगतो, महाराष्ट्र पेटवायचा, महाराष्ट्र बंद करायचा हे उद्धव साहेबांसाठी चुटकीचा खेळ आहे. जर उद्धव साहेबांचा आदेशच आला, तर आमचा साधा एक शिवसैनिक तुम्हाला मातीत गाडल्याशिवाय राहणार नाही. आणि या माध्यमातून मी एवढेच सांगेल, नित्या राण्याचे तोंड म्हणजे घाण गटार आहे, त्या पद्धतीने वाचाळ भाषा बाहेर पडत आहे. अशा शब्दात त्यांनी पाणउतार केला.
सांगलीतील विश्रामगृहामध्ये शिवसेनेच्या पदाधिकाऱ्यांची बैठक सुरू होती. यादरम्यान शिवसेना नेते शरद कोळी यांनी राणे कुटुंबीयांनी टार्गेट करीत त्याच्यावर आपल्या अनोख्या भाषेत निशाणा साधला.
यावेळेस शिवसेनेचे जिल्हाप्रमुख संजय विभुते, विशालसिंग रजपूत, मयूर घोडके, शंभूराज काटकर, यांच्यासहित सर्व तालुकाप्रमुख व पदाधिकारी उपस्थित होते.
