जत; खबऱ्या प्रतिनिधी/ जत पूर्व भागात अल्पवयीन मुलीशी विवाह केल्याप्रकरणी पतीविरोधात (पोक्सो) बाल अत्याचार प्रतिबंधक कायद्यान्वये व बालविवाह कायद्याअंतर्गत गुन्हा दाखल केला आहे.
याबाबत अधिक माहिती अशी की, जत पूर्व भागातील एका गावात एका वर्षापूर्वी अल्पवयीन मुलीशी विवाह केल्याची घटना घडली होती. बालविवाह करुन शारीरिक संबंध ठेवल्याने पिडित मुलीने (वय १७ वर्षे) एका मुलास जन्म दिला. याप्रकरणी पिडीत मुलीनेच म्हणजेच पत्नीने पतीविरुद्ध अल्पवयीन असतानाही विवाह केल्याने पोक्सो अंतर्गत व बालविवाह कायद्याअंतर्गत गुन्हा दाखल करण्यात आला आहे. विवाहानंतर तब्बल एक वर्षांनी पिडित पत्नीनेच पतीविरुद्ध फिर्याद दिल्याने खळबळ उडाली आहे. तालुक्यातील अशा प्रकारचा हा पहिलाच गुन्हा दाखल झाला आहे. यामुळे बालविवाह वर जनजागृती होऊन मर्यादा येतील.
