पलूस:- शिवसेना सांगली जिल्हाप्रमुख संजय बापू विभूते यांचे वाढदिवसाच्या निमित्ताने पलूस तालुक्याच्या आमनापूर गावातील २०० माता भगिनींना मोफत देवदर्शनासाठी घेऊन जाणार असल्याची माहिती दोस्ती पॉवर ग्रुप महाराष्ट्र राज्य चे संस्थापक अध्यक्ष शाहरुख भैय्या संदे यांनी दिली. यामध्ये शिर्डी साई बाबा, शनी शिंगणापूर, सोनाई मंदिर, रांजणगाव, मोरगाव, नारायणगाव व प्रति बालाजी या तिर्थ क्षेत्रांना भेटी दिल्या जाणार आहेत. २० फेब्रुवारी रोजी सदर देवदर्शन सहल प्रस्थान होणार आहे तर प्रथम येणाऱ्या २०० महिलांना संधी दिली जाणार असल्याची माहिती संदे यांनी दिली.
यावेळी बोलताना शाहरुख संदे म्हणाले, आमचे नेते आणि शिवसेनेचे सांगली जिल्हाप्रमुख संजय बापू विभूते यांचा १६ फेब्रुवारी रोजी वाढदिवस असतो. वाढदिवसाच्या निमित्ताने आमनापूर गावातील माता भगिनींना देवदर्शन व्हावे, माता भगिनींनी देवदर्शन घेतल्या नंतर बापूंना उदंड आयुष्यासाठी शुभाशीर्वाद द्यावेत आणि बापूंचा वाढदिवस अविस्मरणीय व्हावा ह्या उदात्त हेतूने सदर सहल आयोजित करण्यात आली आहे. या सहलीमध्ये प्रथम नाव नोंदणी करणाऱ्या २०० महिलांना संधी दिली जाणार आहे. सदर सहलीस पात्र होणाऱ्या महिलांनी सहलीसाठी येताना फक्त स्वतःसाठी आवश्यक असणारी कपडे घ्यावयाची आहेत. सदर सहलीत सहभागी होणाऱ्या सर्व महिलांच्या चहा, नाश्ता, जेवण तसेच राहण्याची सोय दोस्ती पॉवर ग्रुप तर्फे करण्यात येणार आहे.सदर सहलीचे प्रस्थान सोमवार दि. २० फेब्रुवारी रोजी संध्याकाळी संजय बापू विभूते यांचे हस्ते श्रीफळ वाढवून होणार असून मंगळवार दि. २१ रोजी शनि शिंगणापूर येथे सकाळी पोहचणार आहे. शनी शिंगणापूर दर्शन नंतर सोनाई मंदिर दर्शन व त्यानंतर शिर्डी साई बाबा दर्शन होईल. मंगळवार मुक्काम शिर्डी येथे होईल.
बुधवार दि. २२ रोजी शिर्डी येथून प्रस्थान होईल व त्या दिवशी रांजणगाव, मोरगाव, नारायणगाव व प्रती बालाजी दर्शन करून रात्री आमनापूर येथे सहल परत येईल. या देवदर्शन सहलीसाठी इच्छुक महिलांनी स्वतःचा एक फोटो आणि आधारकार्ड झेरॉक्स घेऊन श्रीमती फरीदा महमूद संदे(माँसाहेब) (संपर्क क्रमांक. ८८५६८८७७५३) यांच्याशी संपर्क करावा व आपली नावनोंदणी करावी असं आवाहन शाहरुख संदे यांनी केलं आहे.
