कुपवाड ( प्रतिनिधी) : कुपवाड परिसरातील शरद नगर मध्ये भाड्याने घेतलेल्या दवाखान्यात एका डॉक्टराने घरगुती कारणावरून आत्महत्या केल्याची घटना घडली आहे. डॉ. श्रीकांत नाथा सूर्यवंशी (वय 41 वर्ष) असे आत्महत्या केलेल्या डॉक्टरचे नाव आहे.
मिळालेल्या माहितीनुसार कुपवाड परिसरातील शरदनगर येथे डॉ. श्रीकांत नाथा सूर्यवंशी वय 41 वर्ष मूळ गाव मांजर्डे सद्या रा. शरद नगर कुपवाड यांनी आज भाड्याने घेतलेल्या दवाखान्यामध्ये गळफास घेऊन आत्महत्या केल्याची माहिती मिळताच एम आय डी सी पोलिस ठाण्याकडून तातडीने सदर ठिकाणी जाऊन सदर गळफास लावून घेतलेल्या आवस्थेत असलेला मृतदेह काढून तो मिरज सिव्हिल मध्ये शवविच्छेदनासाठी पाठविला. डॉ. श्रीकांत सूर्यवंशी यांनी घरगुती कारणातून आत्महत्या केल्याचे सांगण्यात येत आहे.
