कडेगाव:- तालुक्यातील अवैध वाळू वाहतूक आणि तस्कर मोकाट तसेच बेभान झाले असल्याचं आता स्पष्ट होत आहे. वाळू तस्कर अवैध वाळू वाहतुकीचे विडिओ काढून समाज माध्यमांवर प्रसारित करून प्रशासनास एकप्रकारे आव्हानच दिल जात आहे.याठिकाणी प्रशासनाचा धाकच राहिला नसून याची आता कडेगाव तालुक्यात उलट सुलट चर्चा सुरू झाली आहे.
मागील चार दिवसांपूर्वी वाळू तस्करांकडून अवैध वाळू वाहतुकीचे विडिओ काढून समाज माध्यमावर प्रसारित केल्यानंतर मोठा कल्लोळ झाला होता. वाळू तस्करांकडून प्रशासनास खुल आव्हान दिलं जात आहे असं बोललं जातं होतं. त्यानंतर आता आणखी पुन्हा विडिओ प्रसारित करण्यात आला असून यामध्ये हिंदी चित्रपटातील एक संवाद विडिओ ला ठेवण्यात आला आहे. यामध्ये ” अब आयेगा मजा, जरा हम भी तो देखे की हमसे बडा शैतान कौन पैदा होगया…?” हा संवाद बसवण्यात आला आहे. यावरून वाळू तस्करांकडून प्रशासनास खुल आव्हान दिलं आहे हे स्पष्ट होत आहे.
काही झारीतील शुक्राचाऱ्यांमुळे वाळू तस्कर बेभान झाले आहेत असं खुलेआम बोललं जातं असून आता प्रशासन नक्की काय करतंय हे पाहणं महत्वाचे ठरणार आहे.
