सांगली : अल्पवयीन गर्भवतीच प्रमाण दिवसेंदिवस वाढत आहे. सांगली जिल्ह्यातील प्रसूतीसाठी आलेल्या अल्पवयीन गर्भवतींच्या मुळे बालविवाहाचे प्रकार उघडकीस आले आहेत.
मागील दोन महिन्यात पाच घटना उघडकिस आल्या आहेत. तर तासगावमधील एक अल्पवयीन गर्भवती माता आणि तिच्या बाळाचा उपचारादरम्यान मृत्यु झाला आहे.
आजही समाजात लपून-छपून बालविवाह केले जात आहेत. मिरज वैद्यकीय महाविद्यालय आणि शासकीय रुग्णालयात प्रसूतीसाठी आलेल्या अल्पवयीन विवाहितांमुळे बालविवाहाचे प्रकार उघडकीस आले आहेत. मागील दोन महिन्यात तब्बल पाच घटना समोर आले आहेत. विटा, तासगाव आणि नाशिकमधील एक तर रायगडमधील दोन अल्पवयीन विवाहिता प्रसूतीसाठी शासकीय रुग्णालयात दाखल झाल्या होत्या. याबाबत रुग्णालय प्रशासनाने पोलिसांच्याकडे माहिती दिली. पोलिसांनी चौकशी करून गुन्हे दाखल केले जात आहेत.
अन्य अल्पवयीन विवाहितांबाबत दिली माहिती
मिरजेच्या शासकीय रुग्णालयामध्ये कालच तासगाव तालुक्यातील एक अल्पवयीन सतरा वर्षीय गर्भवतीचा उपचारादरम्यान मृत्यू झाला आहे. तर तिच्या बाळाचा दोन दिवसांपूर्वी मृत्यू झाला. तसेच अन्य अल्पवयीन विवाहितांच्या माहिती रुग्णालयाने पोलीस विभागाकडे पाठवली आहे. रुग्णालय प्रशासनाकडून अल्पवयीन गर्भवतींची माहिती मिळाल्यानंतर पोलीस याबाबत चौकशी करतात. पत्नीचे आणि पतीचे आई-वडील आणि पतीवर बालकांचे लैंगिक अत्याचार अधिनियम आणि बालविवाह प्रतिबंध कायद्यानुसार गुन्हा दाखल केला जातो.
