मिरज : खबऱ्या प्रतिनिधी / मिरज शहरातील छत्रपती शिवाजी महाराज रस्त्यावरील विद्युत पोल स्थलांतरित करण्यासाठी वीज महामंडळाच्या विद्युत वितरण चे अतिरिक्त कार्यकारी अभियंता बी एस तिळवे यांची मिरज शहर परिवर्तन समितीच्या संतोष माने , मुस्तफा मौलाअली बुजरुक,अमजद जमादार, बाळासाहेब भंडारे यांनी भेट घेतली. अतिक्रमण काढुन जागा उपलब्ध केल्या नंतर तातडीने पोल स्थलांतर करण्यात येतील अशी माहिती विद्युत वितरणचे कार्यकारी अभियंता तिळवे यांनी दिली.
तसेच राष्ट्रीय महामार्ग प्राधिकरणाकडुन पोल स्थलांतराचे पैसे जमा करण्यात आले नसल्याचे तिळवे यांनी माहिती दिल्यानंतर महामार्ग प्राधिकरणच्या चंद्रकांत बर्डे यांच्याशी संपर्क केला. त्यानंतर त्यांनी पोल स्थलांतर करिता एजन्सी नेमली आहे दोन दिवसात पैसे भरण्यात येतील अशी माहिती दिली. महामार्ग प्राधिकरणच्या चंद्रकांत बर्डे यांनी मिरज शहर परिवर्तन समितीला दिली.
महानगरपालिकेकडून सोमवारी अतिक्रमण हटवण्याची ग्वाही सहाय्यक आयुक्त गायकवाड यांनी दिली आहे. परंतु दिलेले मुदतीमध्ये महानगरपालिकेकडून अतिक्रमण हटवले गेले नाही तर मिरज शहर परिवर्तन समिती महापालिकेचे आयुक्त सुनील पवार यांच्या दालनात ठिय्या आंदोलन करणार असल्याचे समितीचे मुस्तफा बुजरूक यांनी पदाधिकाऱ्यांच्या उपस्थितीत सांगितले.
