सांगली : खबऱ्या प्रतिनिधी : आपण भाजपकडून निवडणूक लढवत असताना तत्कालीन मंत्री पतंगराव कदम आपणास विचारूनच आपल्या विरोधात काँग्रेसचा उमेदवार देत असत; असा खळबळजनक गौप्यस्फोट भाजपाचे कामगार मंत्री सुरेश खाडे यांनी केला आहे.
सांगली येथे झालेल्या काँग्रेसतर्फे आयोजित पतंगराव कदम चौक याच्या उदघाटन प्रसंगी बोलत होते. त्यांनी सांगितले, की कोण उमेदवार देवू असे कदम साहेब जेव्हा मला विचारत होते. तेंव्हा कोणी पण उमेदवार द्या अस मी त्यांना सांगत असल्याचेही खाडे यांनी सांगितले.
सांगली जिल्ह्यातील मिरज विधानसभा सोडून आपण सगळीकडे ताकद लावू. कारण मिरज विधानसभा जिंकू शकत नाही; असं ही काँग्रेसच्या मीटिंगमध्ये पतंगराव सांगलीत सांगत असत असे वक्तव्यही भाजपचे नेते आणि कामगार मंत्री सुरेश खाडे यांनी केले आहे.
