कुपवाड – विजयनगर मार्गावरील खुल्या नाल्यावर आज सहावा अपघात घडल्याची माहिती वाऱ्यासारखी परिसरात पसरली आणि नागरिकांतून कुपवाड महापालिकेच्या अधिकाऱ्यांनी लाज सोडल्याची चर्चा सुरू झाली.
कुपवाड शहरातून विजयनगरकडे जाणाऱ्या रस्त्यावर नेहमी वर्दळ असते. नाल्यापासून काही अंतरावरच शिक्षण संस्था असल्याने विद्यार्थ्यांचा जीव धोक्यात असल्याचे स्पष्ट होत आहे.
सदरच्या जीवेघेण्या उघड्यावरील नाल्यावरती संरक्षक कठडा नाही, उघड्यावर असणारे भले मोठे तीन ते चार पाण्याचे चेंबर हा सगळा प्रकार पाहता कुपवाड मधून विजयनगर कडे जाणारा रोड म्हणजे “मौत का कुवा” असल्याचे दिसते .कित्येक जण या नाल्यात पडले मरता मरता वाचले, कुपवाड महापालिकेचे अधिकारी याकडे जाणीवपूर्वक दुर्लक्ष करत असल्याचा आरोप संतप्त नागरिकांनी केला.
