मिरज : खबऱ्या प्रतिनिधी: मिरजेत बिबट्याच्या कातड्याची तस्करी करणाऱ्या एकाला महात्मा गांधी चौक पोलिसांनी अटक केले आहे.
समीर नारकर असे अटक केलेल्याचे नाव आहे. त्याच्याकडून बिबट्याचे कातडे पोलिसांनी हस्तगत केले आहे. या बिबट्याच्या कातड्याची किंमत 5 लाख 25 हजार रुपये आहे.
मिरज शहरातील एसटी स्टँडच्या पाठीमागील बाजूस बिबट्याच्या कातडीची तस्करी करण्यासाठी एक जण येणार असल्याची खात्रीलायक बातमी खबऱ्या कडून महात्मा गांधी चौक पोलिसांना मिळाली होती. पोलिस आणि वन विभागाच्या अधिकाऱ्यांना घेऊन त्या ठिकाणी सापळा लागला होता. त्या ठिकाणी संशयित व्यक्ती मोठी प्लास्टिकची पिशवी घेऊन थांबलेला दिसला असता पोलिसांनी त्याला ताब्यात घेतले. त्याच्याजवळ बिबट्याचे कातडे पोलिसांना मिळून आले. यानंतर पोलिसांनी सदर इसमास अटक केली आहे.
सदरची कारवाई सहाय्यक पोलीस निरीक्षक रविराज फडणीस, पोलीस उपनिरीक्षक राजू अन्नछत्रे, पो उप निरी कुमार पाटील, पो उप निरी सोमनाथ कचरे, पो उप निरी प्रमोद खाडे,दृष्यंत ढेम्बरे, अभिजित पाटील,अमोल आवळे,प्रविण इक्कीरे, बसवराज कुंदगोळ, बाळासाहेब निळे, गणेश कोळेकर, प्रशांत पुजारी, मोहसिन टीनमेकर वनविभागा कडील वनक्षेत्रपाल युवराज पाटील, वनपाल तुषार भोरे, वनरक्षक सागर घोरयत यांनी करीत यातील आरोपी समीर जयवंत नारकर (वय ३२ वर्ष )रूम नं १, दिलीप नाखवा चाळ, मीठ बंदर रोड, पिपळ छाया गणेश मंदीरजवळ ठाणे , मूळ गाव फणसगाव ता. देवगड जि. सिंधुदुर्ग याला ताब्यात घेतले आहे.
