जयसिंगपूर / खबऱ्या प्रतिनिधी- मोटारसायकल प्रकरणी जयसिंगपूर पोलिसांच्या गुन्हे शोध पथकाने संशयितास अटक केली. काशीनाथ नायकू गावडे (रा. चिपरी, ता. शिरोळ) असे त्याचे नाव आहे. त्याच्याकडून मोटारसायकल जप्त करण्यात आली आहे.
याबाबत पोलिसातून मिळालेली अधिक माहिती अशी, जयसिंगपूर पोलिस ठाण्यात २५ जुलै रोजी मोटार सायकल चोरीचा गुन्हा दाखल झाला होता. त्यानंतर पोलिस निरीक्षक राजेंद्र मस्के यांनी चोरीचा गुन्हा उघडकीस आणण्याबाबत गुन्हे शोध पथकास
सूचना दिल्या होत्या. सदर मोटार सायकल चोरी प्रकरणी कॉन्स्टेबल रोहित डावाळे यांना गोपनीय बातमीदारा मार्फत माहिती मिळाली होती. पोलिसांच्या पथकाने काशीनाथ गावडे यास ताब्यात घेवून अधिक चौकशी केली असता त्याने गुन्ह्याची कबुली दिली. त्याच्याकडून फॅशन प्लस मोटारसायकल जप्त करण्यात आली.
