कासेगाव : बापूसाहेब कांबळे :खबऱ्या प्रतिनिधी: कासेगाव (ता. वाळवा) येथे पारंपरिक जोगण्या भावई उत्सवास मंगळवारी सकाळी भावई मंदिरामध्ये ‘दिवा’ काढून उत्साहात प्रारंभ झाला.
नाभिक समाजाचे एक पिसे तर परीट समाजाचे दोन पिसे यांनी गावात दारोदारी जाऊन गूळ-खोबर्याचा नैवेद्य घेऊन व लिंबाचे डहाळे उंबरठ्यावर आपटून ‘इडापीडा टळो’ अशी भाकणूक केली. नाभिक समाजातील पिसे होण्याचा मान नागेश सन्मुख यांना तर परीट समाजातर्फे विकास परीट व कृष्णा परीट यांना मिळाला.
यावेळी भावई मंदिरामध्ये पांडुरंग परीट, बाळासो कुंभार, रमेश सुतार, नीलेश कोळी, नानासो परीट, प्रकाश कुंभार, खंडू लोहार, रज्जाक मुल्ला, वजीर सय्यद, बाळासो सुतार, दत्ताजी गुरव, श्रीकांत जोशी, मोहन कुंभार आदी उपस्थित होते. दरम्यान, आज बुधवारी ‘लावसट’ निघणार आहे.
पाच दिवस चालणार्या या कार्यक्रमासाठी ठिकठिकाणाहून भाविक जमा झाले आहेत. दोन वर्षे कोरोनामुळे कार्यक्रम रद्द करण्यात आला होता. परंतु यावर्षी कार्यक्रमाला चांगला प्रतिसाद मिळत असल्याचे ग्रामस्थांनी सांगितले.
