मिरज | खबऱ्या प्रतिनिधी ; मिरज येथील बहुचर्चित असणारा आणि कोणाचीही भीती न बाळगणारा, वरिष्ठांच्या आदेशाला नेहमीच केराची टोपली दाखवणारा लोकसेवक रविशंकर रामचंद्र चव्हाण, वय ५३ वर्ष, रा. फ्लॅट नं.९, सि.स.नं.१४८७, इंदिरा अपार्टमेंट, रिसाला रोड,सांगली व नोकरीस कार्यरत (महात्मा गांधी पोलीस चौकी,मिरज) येथील सहाय्यक पोलीस फौजदार यांना १,०००/- रुपये लाच घेताना रंगेहात पकडले. सांगलीच्या लाच लुचपत प्रतिबंधक विभागाने ही कारवाई केली.
लाचखोर चव्हाण यांच्या नेहमीच्या पठाणी वसुलीला वडाप चालक, रिक्षावाले, वाहनधारक तसेच सामान्य नागरिक वैतागले होते. एका रिक्षाचालकाच्या रिक्षावर कारवाई न करण्यासाठी पोलीस कर्मचारी रवी चव्हाण यांनी १०००/- रूपये लाच मागितली होती. लाचलुचपत प्रतिबंधक विभागाने सापळा रचून लाचखोर पोलीस रविशंकर चव्हाणच्या रंगेहाथ मुसक्या आवळल्या .रवी चव्हाण यांच्या विरुध्द महात्मा गांधी पोलीस ठाणे मिरज येथे लाचलुचपत प्रतिबंधक अधिनियमाखाली गुन्हा दाखल करण्याची कार्यवाही सुरु आहे.
सदरची कारवाई राजेश बनसोडे पोलीस उप आयुक्त/पोलीस अधीक्षक सुरज गुरव, अपर पोलीस उप आयुक्त/अपर पोलीस अधीक्षक लाचलुचपत प्रतिबंधक विभाग पुणे यांचे मार्गदर्शनाखाली सुजय घाटगे (पोलीस उप अधीक्षक) दत्तात्रय पुजारी (पोलीस निरीक्षक,) विनायक भिलारे (पोलीस निरीक्षक,) पोलीस अंमलदार अविनाश सागर, अजित पाटील, प्रितम चौगुले, संजय संकपाळ, संजय कलगुटगी, रविंद्र धुमाळ, श्रीपती देशपांडे भास्कर भोरे, सिमा माने, चालक बाळासाहेब पवार यांनी केली आहे.
या कारवाईने मिरज पोलीस दलात एकच खळबळ उडाली आहे.
