सांगली; खबऱ्या प्रतिनिधी : सांगली, मिरज व कुपवाड येथे भरदिवसा बंद फ्लॅट आणि बंगले फोडणार्या तिघांच्या टोळीला अटक करण्यात स्थानिक गुन्हे अन्वेषण विभागाला गुरुवारी यश आले.
टोळीत तिघांचा समावेश आहे. त्यांच्याकडून 20 दिवसांपूर्वी मिरजेत झालेल्या दोन घरफोडी गुन्ह्यांचा उलघडा झाला आहे. या गुन्ह्यातील दागिनेही जप्त केले आहेत.
अटक केलेल्यांमध्ये प्रकाश बाबूराव जाहेन्नावर (वय 19, सावळी, ता. मिरज), शहजाद सलीम शेख (20, रामकृष्णनगर, कुपवाड) व आकाश उर्फ लोकेश लक्ष्मण जाधव (25, कुपवाड) यांचा समावेश आहे. जिल्हा पोलिसप्रमुख दीक्षित गेडाम यांनी प्रलंबित गुन्ह्यांचा छडा लावण्याचे आदेश दिले होते. त्या पार्श्वभूमिवर स्थानिक गुन्हे अन्वेषण विभागाचेे पोलिस निरीक्षक अजय सिंदकर यांचे पथक गुरुवारी शहरात गस्त घालत होते.
पथकातील पोलिस हवालदार आर्यन देशिंगकर व प्रशांत माळी यांना कुपवाड येथेे तीन संशयित चोरीच्या उद्देशाने फिरत असल्याची माहिती मिळाली. पथकानेे या संशयितांना ताब्यात घेतले. त्यांच्याकडे चौकशी केली, पण ते उडवाउडवीची उत्तरे देऊ लागले. पोलिसी खाक्या दाखविताच त्यांनी चोरी करण्यासाठी फिरत असल्याची कबुली दिली.
संशयितांनी 20 दिवसांपूर्वी मिरज व कुपवाड येथे दोन घरे फोडून दागिने लंपास केल्याची कबुली दिली. या गुन्ह्यातील 60 हजार रुपये किंमतीचे दागिनेही जप्त करण्यात पथकाला यश आले. याप्रकरणी महात्मा गांधी चौक व कुपवाड पोलिस ठाण्यात गुन्हेही दाखल आहेत. त्यांच्याकडून आणखी गुन्हे उघड होेण्याची शक्यता आहे. यातील लोकेश जाधव व शहजाद शेख हे पोलिसांच्या रेकॉर्डवरील गुन्हेगार आहेत. त्यांच्याविरुद्ध घरफोडी व मारामारीचे गुन्हे दाखल आहे. जाधव हा तडीपार आहे. तरीही तो येथेे येऊन साथीदारांच्या मदतीने घरफोडीचे गुन्हे करीत असल्याचे निष्पन्न झाले आहे. त्यांच्याकडून घरफोडीचे आणखी गुन्हे उघडकीस येण्याची शक्यता आहे.
