कुरळप, खबऱ्या प्रतिनिधी: दारूड्या बापाच्या त्रासाला कंटाळून बापाचाच कोयत्याने वार करून खून केल्याप्रकरणी अटकेतील प्रथमेश सुरेश पाटील (वय 23, रा. वशी) याला पोलिसांनी बुधवारी न्यायालयात हजर केले.
न्यायालयाने त्याला चार दिवसाची पोलिस कोठडी सुनावली.
मंगळवारी सायंकाळी सुरेश पाटील हे कुरळप येथील कट्ट्यावर बसले होते. त्यावेळी प्रथमेश याने धारदार कोयत्याने सुरेश यांच्या मानेवर जोरदार वार केला. यामध्ये सुरेश यांची मान तुटली. दुसरा वार त्यांच्या तोंडावर केला होता. जखमी सुरेश यांना इस्लामपूर येथील खासगी रुग्णालयात दाखल करण्यात आले. त्यांचा उपचारादरम्यान मृत्यू झाला.
प्रथमेश याला कुरळप पोलिसांनी अटक केली. बुधवारी न्यायालयाने त्याला 4 जूनपर्यंत पोलिस कोठडीत ठेवण्याचा आदेश दिला.
