मिरज – खबऱ्या प्रतिनिधी ; पुणे सीमा शुल्क विभागाकडून मिरज तालुक्यातल्या वड्डी याठिकाणी छापा टाकून लाखो रुपयांचा अंमली पदार्थाचा साठा जप्त करण्यात आला आहे. एका फार्म हाऊसवर छापा टाकून ही कारवाई करण्यात आली आहे.
मिरज पुर्व भागातील वड्डी येथील एका फार्म हाऊसवर पुणे सीमा शुल्क विभागाने छापा टाकून अंमली पदार्थाचा साठा हस्तगत केल्याची समोर येत आहे. मात्र या कारवाईबाबत गोपनीयता बाळगण्यात आली आहे. याप्रकरणी कोणतीही अधिकृत माहिती देण्यात आली नाही.
मिरजेतील एका उद्योजकाच्या फार्म हाऊसवर सांगली केंद्रीय उत्पादन शुल्क विभागाच्या मदतीने पुणे विभागीय केंद्रीय सीमा शुल्क विभागाच्या पथकाने मध्यरात्री छापा टाकून अंमली पदार्थांचा साठा जप्त केला. त्यानंतर उशिरापर्यंत ही कारवाई सुरू होती. मात्र हा अंमली पदार्थांचा साठा नेमका किती आणि तो कोणाचा होता याबाबत गुप्तता पाळण्यात आली आहे. दरम्यान थेट पुणे येथील केंद्रीय पथकाने अचानक छापा टाकून अंमली पदार्थांचा साठा जप्त केल्याने याबाबत शहरात दिवसभर चर्चा सुरू होती.
