सांगली : गोपनीय खबऱ्या ; स्थानिक गुन्हे अन्वेषण म्हणजे जिल्ह्यातील गुन्हेगारी नियंत्रित ठेवण्यासाठी आणि गंभीर गुन्ह्यांचा उलगडा करण्यासाठी असल्याची माहिती सर्वाना आहेच. याच (एलसीबी) विभागाचे पोलिस निरीक्षक सर्जेराव गायकवाड 31 मे रोजी निवृत्त होत आहेत. त्या जागी आपलीच वर्णी लागावी, यासाठी जिल्ह्यातील पोलिस अधिकारी गुडघ्याला बाशिंग बांधून तयार आहेत.
एलसीबीला हद्दीची मर्यादा नाही. जिल्हाभर ते काम करू शकतात. 80 जणांचा सध्या स्टाफ आहे. त्यामुळे येथे येण्यासाठी अनेक अधिकार्यांची आतापासून धडपड सुरू झाली आहे. काहींनी राजकीय वजन वापरण्याचा प्रयत्न सुरू केला आहे. तर काहीजण यासाठी काही रक्कम गंगाजळीत टाकायची झालीच तरी तयार असल्याची चर्चा जोरात आहे .? 31 मेपर्यंत काही अधिकार्यांचा जिल्ह्यातील कार्यकाल पूर्ण होत आहे. नवीन अधिकारी दाखल होतील. त्यामुळे जिल्हा पोलिसप्रमुख दीक्षित गेडाम हे जुन्या अधिकार्यांना या विभागात संधी देणार का, नवीन येणार्या अधिकार्याची नियुक्ती करणार, याकडे सार्यांच्या नजरा लागून राहिल्या आहेत.
दरम्यान, काही महिन्यापूर्वी या विभागातील 15 कामचुकार कर्मचार्यांची तडकाफडकी बदली करण्यात आली असल्याची माहिती खबऱ्याला मिळाली आहे. शनिवारी सांगली शहर, विश्रामबाग पोलिस ठाण्यातील डीबी शाखेतील नऊ कर्मचार्यांची एलसीबीत नियुक्ती केली आहे.
