मिरज /खबऱ्या प्रतिनिधी ;
मिरज विधानसभा क्षेत्रातील ११२ कोटी ७ लाख रूपयांच्या मंजूर झालेल्या विविध विकासकामांचे उद्घाटन तसेच भव्य कार्यकर्ता मेळावा शुक्रवार दि.२० मे २०२२ रोजी दु.१.३० वा. सुभाषनगर, पाण्याच्या टाकीजवळ होणार असून यासाठी विरोधी पक्ष नेते व माजी मुख्यमंत्री देवेंद्र फडणवीस तसेच केंद्रीय रेल्वे, खण-कोळसा राज्यमंत्री रावसाहेब दानवे हे उपस्थित राहणार असल्याची माहिती आ.सुरेशभाऊ खाडे यांनी पत्रकार बैठकीत दिली.
यावेळी भाजपा राज्यचिटणीस मकरंद देशपांडे, मोहन वनखंडे उपस्थित होते. आ. सुरेभाऊ खाडे म्हणाले, भाजप सत्तेवर असताना ही कामे मंजूर करण्यात आली होती. या अंतर्गत मिरज तालुक्यातील कवलापूर पाणी पुरवठा योजना १५ कोटी ९३ लाख, मिरज-कृष्णाघाट राज्यमार्गावरील रेल्वे उड्डाणपुल बांधणे ३५ कोटी१९ लाख, सुभाषनगर येथील पाणी पुरवठा योजना १५ कोटी ७४ लाख, बेडग येथील पाणी पुरवठा योजना १७ कोटी ५३ लाख, मिरज तालुक्यातील ढवळी-म्हैसाळ रस्ता प्रजिमा ४४ किमी ढवळी गावाजवळ लहान पुल बांधणे ४ कोटी ७५ लाख, मालगाव येथील सिध्देश्वर मठ परिसर सुशोभिकरण ४ कोटी ५० लाख, टाकळी येथील जल जीवन मिशन नळ पाणी पुरवठा योजना ३कोटी ८ लाख रु रक्कम.
तसेच मिरज तालुक्यातील चाबुकस्वारवाडी-सलगरे-डोंगरवाडी-शिपूर-आरग प्रजिमा रस्ते करणे ४ कोटी, बेळंखी खिंड ते आरग-नरवाड, राज्यहद्दीपर्यंतचा रस्ता करणे ४ कोटी, मिरज तालुक्यातील सोनी-पाटगांव रस्ता प्रजिमा ५७ किमी ४/९०० मध्य सोनी गावाजवळ लहान पुल बांधणे २ कोटी ७५, कवलापूर येथील गाव तलाव सुशोभिकरण २ कोटी ५० लाख, बेडग येथील मरगाई मंदिर परिसर सुशोभिकरण २ कोटी १० लाख असे एकूण ११२ कोटी ७ लाखांच्या विकास कामांचे उद्घाटन विरोधी पक्षनेते व माजी मुख्यमंत्री देवेंद्र फडणवीस व केंद्रीय रेल्वे, खण-कोळसा राज्यमंत्री रावसाहेब दानवे यांच्याहस्ते होणार आहे, अशी माहिती आ.सुरेशभाऊ खाडे यांनी पत्रकार बैठकीत दिली.
