मिरज प्रतिनिधी | गोपनीय खबऱ्या
पूर्व वैमनस्यातून मिरजेतील टाकळी रोड येथे शिव अथणीकर यांच्यावर प्राण घातक हल्ला करण्यात आला आहे. तलवार आणि कोयत्याच्या सहाय्याने संशयित सहा जणांनी हा हल्ला केला आहे. जखमी शिव अथणीकर यांच्यावर १२ ते १३ वार करण्यात आले आहेत. हल्लेखोर हल्ला करून त्या ठिकाणाहून प्रसार झाले आहेत. गंभीर जखमी असलेल्या शिव अथणीकर यांना मिरजेच्या शासकीय रुग्णालयात दाखल करण्यात आले आहे.
जखमी शिव अथणीकर हे शेख गटाचे असून शेख आणि काझी या गटातील पूर्व वैमनस्यातून काझी गटाने हल्ला केल्याचा संशय व्यक्त केला जात आहे. भर दिवसा झालेल्या प्राणघातक हल्ल्यामुळे परिसरात भीतीचे वातावरण पसरलेले आहे.
मिरज शहर पोलीस ठाण्याचे पोलिस निरीक्षक किरण चौगुले आणि त्यांचे पथक घटनास्थळी दाखल झाले असून या प्रकरणाची सखोल चौकशी केली जात आहे.