खास प्रतिनिधी | गोपनीय खबऱ्या
मिरजेत महात्मा गांधी चौकात वाढदिवसाचे डिजिटल फलक लावण्यावरून भाजपचा आवटी गट व काँग्रेसचे वनखंडे गटांमध्ये जोरदार वादावादी झाली. माजी स्थायी समिती सभापती निरंजन आवटी यांचा आज शुक्रवारी वाढदिवस आहे. तर काँग्रेस नेते मोहन वनखंडे यांचा शनिवारी वाढदिवस आहे. यनिमित्त शहरात महात्मा गांधी चौकात मोहन वनखंडे यांचे वाढदिवसाच्या शुभेच्छाचे डिजिटल फलक लावण्यात आला होता.
गुरुवारी रात्री उशिराने भाजप कार्यकर्त्यांनी हा फलक हटवून आ. सुरेश खाडे व निरंजन आवटी यांचा फलक लावण्याचा प्रयत्न झाला. यास काँग्रेस कार्यकर्त्यांनी आक्षेप घेतल्याने दोन्ही गटाचे कार्यकर्ते जमा झाले. यावेळी सागर व्हनखंडे व संदीप आवटी यांच्यात जोरदार वादावादी झाली.
मोठी गर्दी जमल्याने पोलीसही तेथे आले. अखेर दोन्ही गटात तडजोड होऊन मोहन वनखंडे यांचे काढलेला फलक पुन्हा लावण्यात आला.
