नवऱ्यासोबत रखेलीला रंगेहात पकडल्याने दिला प्रसाद…
खास प्रतिनिधी | गोपनीय खबऱ्या
कडेगांव तालुक्याच्या पूर्व भागातील एका ग्रामपंचायत पदाधिकारी महिलेने आपल्या पती व त्याच्या रखेलीला शेजारील शहराच्या एका फ्लॅट मध्ये पहाटेच्या सुमारास रंगेहात पकडल्यानंतर तिने दोघांचीही यथेच्छ धुलाई केल्याचे खात्रीलायक वृत्त असून या धुलाईच्या वृत्ताची जोरदार चर्चा सध्या पूर्व भागात सुरू आहे.
तालुक्यातील पूर्व भागातील एका गावातील ग्रामपंचायत महिला पदाधिकाऱ्याचा उचापतीखोर पतीदेव गावाशेजारील एका वस्तीवरील महिलेच्या संपर्कात असल्याची तसेच आपला पती त्याच्या रखेलीच्या मुलांची शाळेची फी भरतो/तिचे घर चालवतो, त्याला जेवणाचा डबा ही कधी कधी तिकडूनच येतो याची थोडीशी कल्पना तिला मिळाली होती . नवऱ्याने ही गावा शेजारील एका शहरात फ्लॅट घेऊन तिकडे भेटीगाठीचा धडाका लावला होता. ही माहिती समजल्यानंतर पदाधिकारी महिलेने याचा सोक्षमोक्ष लावण्याचे ठरवले आणि पाठलाग सुरू केला. त्या दरम्यान पदाधिकारी महिलेने आपल्या पतीला पहाटेच्या सुमारास त्याच्या रखेली सोबत शहरातील फ्लॅट वर रंगेहात पकडल्यानंतर तिचा राग अनावर झाला आणि तिने संबंधित महिलेला आणि पतीला चांगलाच प्रसाद दिला. त्यावेळी संबंधित महिलेने तिथून पळ काढला असे समजते.
एकूणच पतीदेव घरी गेल्यानंतर काय झाले असेल याचा विचार न केलेला बरा. मात्र या महाप्रसादाची चर्चा मात्र कडेगांव तालुक्याच्या पूर्व भागात खुमासदार पद्धतीने जोरात सुरू असून पदाधिकारी महिला पुढ काय निर्णय घेते याकडे लक्ष लागले आहे.
