मिरज प्रतिनिधी | गोपनीय खबऱ्या
मिरजेत एका बँकेत खात्यावर पाचशे रुपयांच्या सात बनावट नोटा भरण्यात आल्याचा प्रकार उघडकीस आला. शहर पोलिसांनी साडेतीन हजार रुपये किमतीच्या बनावट नोटा जप्त केल्या आहेत.मिरजेत हिरा हॉटेल चौकात एचडीएफसी बँकेच्या शाखेत हा प्रकार घडला.
बँक खात्यावर रक्कम भरण्यात येणार्या स्वयंचलित मशिनमध्ये एका ग्राहकाच्या खात्यावर सात बनावट नोटा भरल्याचे दिसून आले. याप्रकरणी बँक कर्मचारी सचिन सूर्यवंशी यांनी पोलिसांत फिर्याद दिली आहे. बनावट नोटा जळगाव येथील खातेदाराच्या खात्यावर भरल्याचे निष्पन्न झाले आहे. याप्रकरणी चौकशी सुरू असल्याचे तपास अधिकारी सहायक निरीक्षक भैरवनाथ पाटील यांनी सांगितले.
