खास प्रतिनिधी | गोपनीय खबऱ्या
खंडणी मागितल्याप्रकरणी भाजपचे माजी नगरसेवक मनोज साळुंखे यांच्यासह दोघांवर खंडणीचा गुन्हा दाखल करण्यात आला. इचलकरंजी शहरातील एका सोनाराला बँकेच्या व्यवहार पूर्ण कर, नाही तर संपूर्ण परिवाराला मारण्याची धमकी देऊन खंडणी मागितली होती.
शहरातील भोनेमाळ परिसरातील असणाऱ्या भाजपच्या (BJP) कार्यालयामध्ये सोनाराला आणून धमकी दिली होती. या प्रकरणावर पोलीसाकडून पडदा टाकण्याचा प्रयत्न केला जात होता. पण सबंधित सोनाराने शिवाजीनगर पोलीस ठाण्यात तक्रार दाखल केली.
माजी नगरसेवक मनोज साळुंखे, माजी नगरसेवक बाजीराव कुंभार, शहानवाज मुजावर या तिघांवर खंडणीचा गुन्हा दाखल करण्यात आला आहे. या प्रकरणी इचलकरंजी पोलिसांनी भाजपचे माजी नगरसेवक मनोज साळुंखेना अटक केली आहे.
जिल्ह्यातील शिरोळ तालुक्यातील दत्तवाड येथील एका सराफ व्यावसायिकाला बोगस सोने विक्रीचे खोटे गुन्हे दाखल करण्याचे धमकी देत पाच लाखाची खंडणी मागण्याचा प्रकार इचलकरंजीत घडला. त्यामध्ये भाजपचे माजी नगरसेवक मनोज साळुंखे यांच्यासह आम्ही दोघांनी हा प्रकार घडल्याचे समोर आले आहे.
14 ते 18 मार्च दरम्यान सराफ व्यावसायिक पंकज दानवाडे याला माजी नगरसेवक मनोज साळुंखे, बाजीराव कुंभार, शहानवाज मुजावर यांनी राजर्षी शाहू महाराज पुतळा रिंग रोडवरील एका ऑफिसमध्ये बोलवून घेतले होते. यावेळी शहानवाज यांनी दानवाडे यांच्याकडे पैशाची मागणी करत मारहाण केली. पाच लाख रुपये दिल्याशिवाय सोडणार नाही, अशी धमकी देत मारहाण केली होती.
त्यामुळे घाबरलेल्या दानवाडे यांनी भीतीपोटी 50 हजार रुपये देऊन सुटका केली. अन्यथा कुटुंबाला ठार मारेल, अशी धमकी दिली असल्याची तक्रार दानवडे यांनी केली.या तक्रारीनंतर तिघांवर गुन्हा दाखल झाला आहे.
साळुंखे यांच्यावर आतापर्यंत जिल्ह्यातील अनेक पोलीस ठाण्यात सतरा गुन्हे नोंद आहेत. तर बाजीराव कुंभार आणि मुजावर यांच्यावर देखील गुन्हे असून ते सराईत गुन्हेगार आहेत. या प्रकरणी इचलकरंजी पोलिसांनी भाजपचे माजी नगरसेवक मनोज साळुंखेना अटक केली आहे.
