खास प्रतिनिधी | गोपनीय खबऱ्या
सांगलीच्या इस्लामपूरमध्ये पोलीस निरीक्षकाच्या विरोधात भाजपच्यावतीने आंदोलन करण्यात आले आहे. या आंदोलन दरम्यान भाजपच्या महिला कार्यकर्त्यांकडून अंगावर डिझेल ओतून आत्मदहन करण्याचा प्रयत्न करण्यात आला आहे.
हा प्रकार रोखण्यासाठी गेलेले पोलिस आणि भाजपा कार्यकर्त्यांमध्ये झटापट झाल्याचा देखील घडला आहे. यामुळे आंदोलनस्थळी तणावाचे वातावरण निर्माण झाले आहे.
सांगली जिल्ह्यातील इस्लामपूर शहरामध्ये मोठ्या प्रमाणात बेकायदेशीर रित्या अवैध धंदे सुरु आहेत. हे अवैध धंदे रोखण्याची मागणी करण्यात येत आहे. मात्र पोलीस या प्रकरणी कारवाई करत नसल्याचा आरोप करत भाजपाचे नेते विक्रम पाटील यांनी इस्लामपूर ठाण्याचे पोलीस निरीक्षकांची बदली करावी, अशी मागणी करण्यात आली होती. यासाठी भाजपकडून आंदोलन पुकारण्यात आले होते.
- महिलांनी अंगावर ओतले डिझेल
मागणी केल्यानंतर देखील इस्लामपूरमध्ये अवैध धंदे सुरूच असल्याचा आरोप करीत आज इस्लामपूर तहसील कार्यालयासमोर भाजपच्या कार्यकर्त्यांनी आंदोलना सुरवात केली होती. यावेळी आक्रमक झालेल्या भाजपा महिला आघाडीच्या आशा पवार यांच्यासह काही कार्यकर्त्यांनी अंगावर डिझेल ओतून आत्मदहन करण्याचा प्रयत्न करण्यात आला होता. यावेळी पोलिसांनी त्यांना अडवण्याचा प्रयत्न केला.
- पोलिसांनी हस्तक्षेप केल्याने झाली झटापट
आंदोलन करणाऱ्या महिलांनी अंगावर डिझेल ओतल्याने आंदोलनस्थळी एकच खळबळ उडाली होती. त्यांना रोखण्यासाठी पोलीस गेले असता भाजपा कार्यकर्ते व पोलिसांमध्ये वादावादी व झटापटीचा प्रकार घडला आहे. यावेळी भाजप कार्यकर्त्यांनी पोलिसांविरोधात घोषणाबाजी केली. यामुळे येथे तणावाचे वातावरण निर्माण झाले होते. तातडीने इस्लामपूर पोलीस ठाण्याचे पोलीस निरीक्षक संजय हरगुडे यांची बदली करावी, अशी मागणी यावेळी इस्लामपूर भाजपाच्यावतीने करण्यात आली आहे.
