- हातकणंगले प्रतिनिधी | गोपनीय खबऱ्या
व्यवसायातील वादातून एकास मारहाण करण्याची घटना घडली. या मारहाणीचा व्हिडिओही काढण्यात आला असून, संशयितांनी लाकडी काठी, रॉडने पाठीवर व पायावर वळ उठेपर्यंत मारहाण केली आहे.
तसेच ‘गाव सोडून जा, अन्यथा तुझ्या बायकोवर सगळ्यांना बलात्कार करायला लावीन’, अशी धमकीही संशयितांकडून दिल्याचेही समोर आले आहे. संशयितावर हातकणंगले पोलिसांत गुन्हा दाखल केला आहे.
माले येथील बाबा हॉटेलमध्ये मेनू कार्ड बघण्याच्या कारणावरून मारहाण झाली. याबाबत फिर्यादीने तक्रार दिली. यावरून संशयित टिपू सुलतान खतीब, मोहम्मद कुरेशी, प्रवीण नाथा पाटील, मनोज संजय कांदे यांच्याविरुद्ध हातकणंगले पोलिस ठाण्यात गुन्हा नोंद झाला. न्यायालयाने त्यांना पोलिस कोठडी सुनावली आहे.
सोमवारी दुपारी तीन वाजता कोल्हापूर-सांगली मार्गावरील माले येथे हॉटेल बाबा जवळच्या पानटपरीमध्ये फिर्यादी थांबला होता. त्याला संशयित मनोज कांदे याने हॉटेलमध्ये बोलावले. तो मेनू कार्ड पाहत असताना संशयित मोहम्मद कुरेशी, प्रवीण पाटील व मनोज कांदे यांनी फिर्यादीसोबत असलेल्या एकाला मेनू कार्ड का बघितलास? असे म्हणून मारहाण करून जखमी केले.
संशयित टिपू सुलतान खलिफा याने फिर्यादीच्या डोक्याला पिस्तूल लावून दारू पाजली आणि त्याचा व्हिडिओ बनविला. तसेच, ‘तू आणि तुझी बायको उद्याच्या उद्या निघून जा,’ अशी धमकी दिल्याचे तक्रारीत म्हटल्याचे हातकणंगले पोलिसांनी सांगितले.
