सांगली प्रतिनिधी | ब्रम्हनाळ सर्व सेवा सोसायटीच्या चेअरमन पदी तुकाराम बंडगर तर व्हॉईस चेअरमनपदी हनमंत विभुते यांची निवड बिनविरोध करण्यात आली. या निवडी वेळी उपनिबंधक कार्यालयाचे अधिकारी पाटणकर हे निवडणूक अधिकारी म्हणून उपस्थित होते.
ब्रह्मनाळ सर्व सेवा सहकारी सोसायटी या संस्थेची वार्षिक उलाढाल १५ कोटीपेक्षा जास्त असून सोसायटीने गेली सलग तीन वर्ष १५ टक्के लाभांश सभासदांना वाटप केला आहे. सोसायटीच्या वतीने धान्य विभाग व खत विभाग सुरू असून हे दोन्ही विभाग सध्या नफ्यामध्ये आहेत. त्याचप्रमाणे सोसायटीच्या माध्यमातून मयत सभासदांना सानुग्रह अनुदान ही वाटप करण्यात येते. महापूर व नैसर्गिक आपत्तीच्यावेळी सोसायटीच्या माध्यमातून सभासदांना नेहमीच मदतीचा हात दिला जातो. क्रांती कारखान्याचे व्हाईस चेअरमन सुभाष वडेर, मोहन शिंनगारे यांच्या नेतृत्वाखाली संस्थेची प्रगती दैदिप्यमान आहे.
संस्थेच्या झालेल्या नूतन चेअरमन व व्हॉईस चेअरमन निवडी वेळी संचालक मोहन शिंनगारे, सुहास पाटील, दत्तात्रय गडदे, आनंद कारंडे ,अनिल राजोबा, पोपट मदवाना, आकाराम गावडे, बबन कोळी तसेच ब्रम्हनाळ गावचे माजी सरपंच उत्तम बंडगर, वसंतदादा कारखान्याचे संचालक प्रल्हाद गडदे, सुरेश गडदे, कुमार राजोबा, हेमंत जगदाळे, राजगोंडा मोलाज यांच्यासह अनेक मान्यवर सभासद उपस्थित होते.
