मुंबई : आज पश्चिम महाराष्ट्रात आणि तळकोकण या ठिकाणी पावसाचा इशारा देण्यात आला आहे. या ठिकाणच्या शेतकऱ्यांना हवामान विभागाकडून अलर्ट राहण्याच्या सूचना देण्यात आल्या आहेत.
या ठिकाणी पावसाच्या हलक्या सरी –
मध्य महाराष्ट्र आणि भोवतालच्या प्रदेशात हवामानातल्या बदलामुळे काल राज्यभर ढगाळ वातावरण होते. सिंधुदुर्ग, कोल्हापूर या ठिकाणी आज हलक्या सरी किंवा मेघगर्जनेसह पाऊस पडण्याची शक्यता आहे. तसेच उद्या सातारा, सांगली जिल्ह्यात हलक्या सरी आणि मेघगर्जनेसह पाऊस पडण्याची शक्यता वर्तविली आहे.
काल राज्यभर ढगाळ वातावरण असल्यामुळे आज उद्या पावसाचा इशारा देण्यात आलेला. तसंच सिंधुदुर्ग, कोल्हापूर, सांगली जिल्ह्यात शुक्रवारीही पावसाची दाट शक्यता आहे. गेले काही दिवस महाराष्ट्रातील विविध भागांत पावसाच्या सरी कोसळत असल्याने मुंबईसह कोकणपट्टय़ातील भागांतही ढगाळ वातावरण असताना पाहायला मिळत आहे.
