मिरज प्रतिनिधी | खबऱ्या ऑनलाईन – महाविकास आघाडी मधील उद्धव बाळासाहेब ठाकरे गटाने जनमताचा आदर न करता बेजबाबदारपणे उमेदवारी लादण्याच्या निषेधार्थ मिरज तालुक्यातील (शरदचंद्र पवार) राष्ट्रवादी काँग्रेस पार्टीच्या महिला आघाडीने राजीनामा देत विशाल पाटील यांना पाठिंबा दिला आहे.
तसेच तालुक्याची कार्यकारणी बरखास्त केल्याचेही या पत्राद्वारे स्पष्ट केले आहे. या पाठिंबापत्रावर तालुकाध्यक्ष चंपाताई जाधव, कार्याध्यक्ष सुप्रिया गंगाधर तोडकर, अनिताताई कदम, माणिकताई माळी, छायाताई मोरे, उज्वला पवार यांच्यासह इतर महिला पदाधिकाऱ्यांच्या विशाल पाटील यांना दिलेल्या पाठिंबा पत्रावरती सह्या आहेत.
