सांगली प्रतिनिधी | खबऱ्या ऑनलाईन – शिवसेनेच्या उद्धव ठाकरे गटाचे नेते खासदार संजय राऊत हे सध्या सांगली जिल्हा दौऱ्यावर आहेत. त्यांनी आज पहिल्याच दिवशी सांगलीमध्ये पत्रकार परिषद घेतली. यानंतर ते कार्यकर्ता मेळाव्यात ही उपस्थित होते. रात्री त्यांनी जत व कवठेमहांकाळ येथे जाऊन भाजपचे माजी आमदार विलासराव जगताप व माजी मंत्री अजितराव घोरपडे यांची भेट घेतली.
घोरपडे व जगताप यांच्याशी चर्चेदरम्यान बोलताना राऊत म्हणाले, आता तुम्ही चंद्रहारला पाठिंबा द्यायला हवा. दहा वर्षात संजय पाटील यांनी काय केलंय याची फाईल माझ्याकडे आहे. शिवाय तुमची ही संजय पाटील यांच्या बाबतीत नाराजी आहे. तुम्ही आम्हाला ठळकपणे थेट पाठिंबा द्या, असे राऊत हे घोरपडे व जगताप यांना म्हणाले.
दरम्यान जगताप व घोरपडे यांनी ठाकरे गटाची ताकद मर्यादित असल्याचे सांगत थेट पाठिंबा देण्याचे टाळले. शिवाय विशाल पाटील यांची उमेदवारी सक्षम असल्याचीही चर्चा झाल्याचे वृत्त गोपनीय खबऱ्याला सूत्रांकडून सांगण्यात आले.
