Loksabha Election : Gopniy khabarya live online लोकसभा निवडणुकीच्या पार्श्वभूमीवर राज्यातील वातावरण चांगलच तापल्याचं पाहायला मिळत आहे. भाजपने आपल्या उमेदवारांची यादी जाहीर केलीय. मात्र, अद्याप महाविकास आघाडीकडून उमेदवारांची यादी जाहीर झालेली नाही.
काही जागांवरुन महाविकास आघाडीत तिढा कायम असल्याची माहिती मिळतेय. महाविकास आघाडीच्या जागावाटपात सांगली आणि रामेटक या दोन जागावरील तिढा कायम आहे. या दोन्ही जागांसाठी ठाकरे गट आणि काँग्रेस यांच्यात रस्सीखेच असल्याचं पाहायला मिळत आहे.
महाविकास आघाडीत सांगली आणि रामटेकच्या जागांवरुन तिढा कायम आहे. सांगली आणि रामटेक या दोन्ही जागेवरती शिवसेना ठाकरे गट आणि काँग्रेसनं दावा केलाय. या दोन्ही जागांवरती काल चर्चा झाली होती. मात्र, मार्ग निघाला नाही, त्यामुळं आज पुन्हा एकदा यावर चर्चा होणार असल्याची माहिती मिळतेय.
महाराष्ट्राचे माजी मुख्यमंत्री स्व. वसंतरावदादा पाटील यांचे नातू विशाल पाटील हे काँग्रेस कडून निवडणूक लढवण्यासाठी इच्छुक आहेत. तर शिवसेनेच्या उद्धव बाळासाहेब ठाकरे गटाकडून पैलवान चंद्रहार पाटील यांनीही तयारी दर्शवली आहे. २१ मार्च रोजी सांगलीतील मिरज शहरात उद्धव ठाकरे यांची सभा होणार आहे. महाविकास आघाडीकडून सांगली लोकसभेसाठी उमेदवारीचा तिढा मात्र कायम असल्याने याचा फायदा विरोधकांना होण्याची शक्यता आहे.
