कुपवाड प्रतिनिधी | खबऱ्या ऑनलाईन – क्रीडा व युवक सेवा संचलनालय महाराष्ट्र राज्य, पुणे व महाराष्ट्र खो-खो असोसिएशन आयोजित कै. भाई नेरुरकर चषक राज्य स्तरीय खो-खो स्पर्धा सांगली जिल्हा प्रशासन, जिल्हा क्रीडाअधिकारी कार्यालय व द ॲम्यचुर खो खो असोसिएशन सांगली जिल्हा यांच्या नियंत्रणाखाली शिवप्रेमी कला, क्रीडा व सांस्कृतिक मंडळ, कुपवाड यांच्या नियोजनाखाली दि.०५ ते ०८ फेब्रुवारी २०२४ रोजी अकुज ड्रिमलॅन्ड, कुपवाड येथे होणार आहेत. या स्पर्धेमध्ये दरवर्षी घेण्यात येणाऱ्या राज्य अजिंक्यपद स्पर्धेतून क्रमवारी प्राप्त संघांचा समावेश होतो. यामध्ये पुरुष व महिला गटाचे प्रत्येकी १२ संघ व किशोर – किशोरी गटाचे प्रत्येकी ८ संघ असे एकूण ४० संघ सहभागी होणार आहेत.
स्पर्धेमध्ये एकूण रक्कम २,६३४०००/- तसेच कै.भाई नेरूरकर चषक देऊन गौरविण्यात येणार आहे. या स्पर्धेसाठी कुपवाड येथे चार क्रीडांगणे तयार करण्यात आली असून प्रेक्षकांना स्पर्धेचा थरार पाहण्यासाठी प्रेक्षक गॅलरी उभारण्यात आली आहे. स्पर्धा महाराष्ट्र खो-खो असोसिएशनच्या तांत्रिक समिती व पंचमंडळाच्या नियंत्रणाखाली पार पडणार आहेत. खेळाडूंना निवासाची व भोजनाची व स्पर्धेची तयारी अंतिम टप्प्यात आली असून सोमवार दिनांक ५ फेब्रुवारी रोजी सायंकाळी सात वाजता स्पर्धेचे उद्घाटन राज्याचे उपमुख्यमंत्री अजित दादा पवार यांच्या शुभहस्ते व पालकमंत्री डॉक्टर सुरेश भाऊ खाडे, क्रीडामंत्री संजय बनसोडे यांचे अध्यक्षतेखाली होणार आहे.
यावेळी जिल्ह्यातील खासदार व सर्व आमदार व लोकप्रतिनिधी यांच्या प्रमुख उपस्थितीत पार पडणार आहे. स्पर्धा यशस्वीरित्या पार पडण्यासाठी पालकमंत्री डॉक्टर सुरेश खाडे यांचे नेतृत्वाखाली विविध समित्या कार्य करीत असून स्पर्धेचे स्वागत अध्यक्ष आमदार सुधीर गाडगीळ व स्पर्धेचे निमंत्रक गजानन मगदूम यांनी पत्रकार परिषदेत स्पर्धेच्या तयारीची व उद्घाटन समारंभाची माहिती दिली. यावेळी स्पर्धेचे आयोजन समितीचे सदस्य शेखर इनामदार, पद्माकर जगदाळे, जिल्हा क्रीडा अधिकारी किरण बोरवडेकर, महाराष्ट्र खो-खो असोसिएशनचे सचिव गोविंद शर्मा, जिल्हा खो-खो असोसिएशनचे सचिव डॉ प्रशांत इनामदार, शिवप्रेमी मंडळाचे अध्यक्ष देवेंद्र पाटील, दादासो पाटील, भाऊसाहेब पाटील, विजय खोत, अरुण रुपनर, बाळासाहेब मंगसुळे, सी आर पाटील, आशुतोष धोतरे, प्रशांत पवार, नितीन कारंडे, योगेश हिंगमीरे गणेश कारंडे क्रीडा अधिकारी कार्यालय सांगली, जिल्हा खो-खो असोसिएशन व शिवप्रेमी मंडळाचे पदाधिकारी उपस्थित होते.
